Bjóða þeim í kaffi?

Eru Rússar ekki vinir okkar, væri ekki bara ráð að bjóða þeim eldsneyti til kaups, og aðstöðu til millilendinga. Veit ekki betur enn kaninn hafi tekið einhliða ákvörðun um að fara héðan, svo að við ættum að geta boðið bara þeim sem við viljum að koma hérna við.  Enda eigum við nóg af lausu húsnæði á vellinum.

Utanríkisráðuneytið óskar skýringa á flugi rússneskra sprengjuflugvéla

Verið velkominn!

Já ég segi verið velkominn að koma hingað og halda ráðstefnu, koma og leigja nánast heilt hótel, borða á dýrum veitingastöðum, drekka einn dýrasta bjór í heimi og almennt verið velkominn að vera ferðamenn á Íslandi sem eyðið peningum.

Að því er ég best veit hafa þessir aðilar ekki sótt um að fá að taka hér upp klámmyndir, heldur eru þeir þá að koma hér að halda ráðstefnu. Ég held að Biskup Íslands ætti ekki að vera að agnúast út í þetta á opinberum vettvang, þar sem embættinu kemur þetta ekki við, þarna er um ferðaþjónustu að ræða, margra ára makaðsetningu í ráðstefnuhaldi. Hann ætti kannski að hafa frekar áhyggjur af því hvað hans kirkja er að fjarlægjast vilja sinna sóknarbarna eins og við sáum í Kompáss.

Hörð mótmæli vegna klámþings

Kom á óvart?

Ja, ég var hissa þegar ég horfði á úrslitaþátt um það hvaða lag keppti til úrslita í forkeppni evrópskra sjónvarpsstöðva sem fram fer í Helsinki.

Ég átti síst von á að Eiríkur Hauksson myndi vinna enda var ég búinn að vera með yfirlýsingar um kvöldið, hvað þetta lag og hann væru að gera í þessari keppni. Enn þjóðin kom mér á óvart, reyndar eins og í fyrra er hún ákvað að senda Silvíu Nótt. Sem ég reyndar skil ekki ennþá, enn það er önnur saga.

Ég spá því að við munum ekki ná uppúr riðlinum í ár með þessu lagi. Enn gangi þér vel Eiríkur að afsanna það.

Eiríkur Hauksson verður fulltrúi Íslands í Helsinki

Friðrik V

Heimasíðan - fridrikv.is

Við höfum stundum notað uppskriftir af þessum vef frá veitingastaðnum Friðrik V á Akureyri. Við t.d. höfum notað uppskriftina af hamborgarahrygg í coca-cola sósu á aðfangadagskvöld undanfarinn ár, mjög góð sósa, þótt það hljómi skrítið.

Ég veit allavega að ég á eftir að heimsækja þennan veitingastað þegar ég fer norður næst, staðurinn hefur fengið fjöldan allan af bæði innlendum og erlendum viðurkenningum.

Yfir strikið

Þessi seta Ólafs Ragnars í Þróunarráði Indlands er að mínu mati í hæsta máta óeðlileg, Þessu mætti líkja við að hann mætti sitja í fulltrúaráði vinstri grænna á kvöldin og um helgar, enda væri hann þar sem persónan enn ekki forsetinn.

Embætti forseta Íslands er ekki eitthvert 9-5 starf, heldur verður sá aðili sem er til þess er kjörinn í raun opinber bersóna sem fulltrúi Íslands. Ekki Indlands. Mér finnst öðru gegna um setu í alþjóðlegum nefndum til góðgerðamála fyrir einstaka hópa þar sem opinber stefna Íslands væri að styðja við það málefni. Þar að segja stjórnvalda.

 Annars er ég þeirrar skoðunar að embættið sé óþarft og er þá komið tilefni í annað blog síðar.

Seta í indversku þróunarráði bundin við persónu Ólafs Ragnars